भांगरभूंय | प्रतिनिधी
पणजी : ‘प्रुडंट नॅटवर्क डिजिटल फर्स्ट’ ह्या नांवान प्रुडंट चॅनलान आयज एक नवी सुरवात केली. ह्या निमतान कार्यालयांत पुजेचें आयोजन केल्लें.
आतां प्रुडंट चॅनला वांगडा कोंकणी दिसाळें ‘भांगरभूंय’, मराठी दिसाळें ‘गोवन वार्ता’, इंग्लीश दिसाळें ‘द गोवन’, मराठी चॅनल ‘गोवन वार्ता लायव्ह’ तशेंच महाराष्ट्रांतलें दिसाळें ‘कोकणसाद’ आनी ‘कोकणसाद चॅनल’ डिजिटल रुपांत तुमचे मुखार येतलें. डिजिटला वरवीं राज्यांत तशेंच पुराय संवसारांत घडपी घडणुको तुमचे मेरेन रोखड्योच पावतल्यो.
कार्यालयांत आयज जाल्ले पुजेचे येजमान वृशांक महात्मे आशिल्ले. तशेंच पुरयत उद्देश सातवळेकर हाजीर आशिल्ले. पुजेक मिडिया संचालक ज्यो लुईस, ह्युमन रिसोर्स हेड कर्नल अरुण शर्मा, संपादकीय संचालक प्रमोद आचार्य, ‘प्रुडंट नॅटवर्क डिजिटल फर्स्ट’चे संपादक रोहीत वाडेकार, गोवन वार्ताचे संपादक पांडुरंग गांवकार, भांगरभूंयचे संपादक महेश दिवेकार, प्रुडंट वृत्तवाहिनीचे संपादक सुयश गावणेंकार, प्रुडंट नॅटवर्कचे सल्लागार संपादक किशोर नायक गांवकार, ‘कोकणसाद लायव्ह’ची संपादक देवयानी वरासकर, दैनीक ‘कोकण साद’चे संपादक संदीप देसाई तशेंच सगल्या विभागांचे मुखेली, प्रतिनिधी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
