भांगरभूंय | प्रतिनिधी
पोरणें गोंय, प्रतिनिधी: पोरणें गोंयचें सेंट फ्रांसीस झेवियराचें फेस्त २५ नोव्हेंबर ते ४ डिसेंबर २०२३ मेरेन बाँ जिजस बॅसिलिकेंत मनयतलें. नोवेना २५ नोव्हेंबरच्यान सुरू जातलीं आनी ४ डिसेंबराक फेस्त मनयतले.
राज्यांतल्या विवीध वाठारांतले आनी शेजारच्या राज्यांतले व्हडा प्रमाणांत भक्त ह्या फेस्ता निमतान पोरणें गोंयचे इगर्जेक भेट दितले. सेंट फ्रांसीस झेवियराच्या पवित्र अवशेशांचें दर्शन घेवपा खातीर लोक रांको लायतले. भोंवडेकार,भक्त आनी संवसारीक दायज स्मारकांचे सुरक्षितताये खातीर गोंय पुलिसांनी नोटीस जारी केल्या.
फेस्ताक येवपी सगळ्या भक्तांनी इगर्जेंत प्रवेश मेळोवपा खातीर वळखपत्र/ आयडी पुरावो आपल्या वांगडा व्हरचो. इगर्जे भितर वतना तांणी सामान, हँड बॅग वा हेर कसलेंच सामान भितर व्हरचें न्हय. जर खंयच्याय व्यक्ती वा सामानाचेर दुबाव आयल्यार तांची रोखडीच पोरणें गोंय पुलीस स्टेशन वा पुलीस आवट पोस्टाचेर येवन कागाळ करची. तशेंच मजत खातीर १०० /११२ ह्या क्रमांकाचेर संपर्क करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
