भांगरभूंय | प्रतिनिधी
दिवचल: पाजवाडो दिवचले काल (आयतारा) टाटा टियागो आनी इनोव्हा हांचे मदीं अपघात जालो. ह्या वेळार दोनूय वाहनांच्या मुखा वेल्या भागांचें लुकसाण जालें. जाल्यार मोटारी फाटल्यान येत आशिल्ले एके दुचाकीचो धपको बशिल्ल्यान दुचाकीचेंय लुकसाण जालां. सुदैवान कोणाकूच मोटी दुखापत जाल्ली ना.
दिवचल सावन मयां वचपी टाटा टियागो आनी मुखा वेल्यान येवपी इनोव्हा हांचे मदीं हो अपघात जालो. टियागो मोटारींत तीग जाण आशिल्ले. सुदैवान कोणाकूच मोटी दुखापत जाली ना.
ह्या वेळार दिवचल पुलिसांनी पंचनामो करून रस्तो मेकळो केलो. ह्या प्रकरणांत पुलीस अदीक तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
