भांगरभूंय | प्रतिनिधी
इस्लामाबाद, खबरां संस्था: आतंकवादाची भूंय आशिल्ल्या पाकिस्तानांत आतंकवाद्यांनी परतून हल्लो केला. डेरा इस्मायल खानच्या दरबान वाठारांतल्या (अफगाणिस्तानाचे शिमेर) सुरक्षा दळाचे चौकेचेर आतंकवाद्यांच्या पंगडान स्फोट केल्ल्यान पाकिस्तान लश्कराच्या २३ सैनिकांक मरण आयली. आयज १२ डिसेंबराक हो स्फोट जालो. पाकिस्तान तालिबान गटान ह्या हल्ल्याची जापसालदारकी घेतल्या.
सकाळीं स आतंकवाद्यांनी सुरक्षा चौकीचेर हल्लो केलो. ते आतंकवादी चौकींत भितर सरपाचो यत्न करताले. पूण, तांचो यत्न अपेशी जालो. ताका लागून आतंकवाद्यांनी स्फोटक पदार्थांनी भरिल्ली गाडी भितर घुसयली. उपरांत आत्मघाती बॉम्ब स्फोट केलो. ह्या बॉम्ब हल्ल्या उपरांत ही इमारत कोसळ्ळी. ताका लागून २३ जवानांक मरण आयलें.
मजगतीं, पाकिस्तान लश्करानय कांय आतंकवादी धरल्यात अशी म्हायती आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
