भांगरभूंय | प्रतिनिधी
भांगरभूंय । प्रतिनिधी
पर्वरीः पर्वरी मतदारसंघात डायलेसीय केंद्र सुरू करून फुडल्या सप्तकांत ताचें उक्तावण करतले. पर्वरी भलायकी केंद्राच्या लागीं आशिल्ले सरकारी इमारतींत हे केंद्र सुरू करतले. अपेक्स किडनी कॅर कंपनी वतीन हे डायलेसीस केंद्र चलयतले अशी म्हायती सूत्रांनी दिली. खाजगी हॉस्पिटलांनी दरेका डायलेसी खातीर 4 हजार रुपये फी घेतात. किडनी कॅर कंपनी 1200 रुपयांत डायलेसीस करता. मात पर्वरी डायलेसीस केंद्रात दुयेंतीचें मुफत डायलेसीस जातलें. सरकारा वतीन ताचे पयशे कंपनीक फारीक करतले.
दर दिसा किडनी दुयेंतीचेर डायलेसीस करतले. ह्या केंद्रात चार डायलेसीस उपकरणां आसतली. सगली सामुग्री आयल्या आनी ती बसोवपाचें काम सध्या चल्लां. पर्वरी भलायकी केंद्राच्या अख्यत्यारींत हे डायलेसीस केंद्र आसतलें. पर्वरीच्या दुयेतांत डायलेसीसा खातीर बांबोळी जीएमसीत वच्चें पडटालें. आता ते पर्वरी केंद्रांत वचपाक शकतले. हें केंद्र सुरू करपा फाटल्यान थळावो आमदार आनी पर्यटन मंत्री रोहन खंवटे हाचें व्डडलें योगदान आसा.
पर्वरी वाठारांत परत परत वीज खंडीत जावपाचे प्रकार जातात. ताका लागून डायलेसीस केंद्रा खातीर खासा जनरेटर घेतले. मजगतीं गोंय क्रिकेट असोसिएशनाच्या स्टेडियमा सामकार 2 हजार चौखण मीटर सुवातेंत पर्वरी भलायकी केंद्राची नवी इमारत दोन वर्सां भितर बांदतले. उपरांत डायलेसीस केंद्र ह्या इमारतींत व्हरतले. डायलेसीस उपचार बरोच खर्चीक आसा. सुरवेक दर सप्तकांत डायलेसीस करचें पडटा. उपरांत दुयेंस जडार पडटगीर सप्तकांत दोन वा तीन फावट डायलेसीस करचें पडटा अशें सूत्रांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
