भांगरभूंय | प्रतिनिधी
नवी दिल्ली, खबरां संस्था: नवी दिल्लीच्या प्रगती मैदानाचेर १४ ते २७ नोव्हेंबर मेरेन आयोजीत केल्ल्या ४२ व्या भारतीय आंतरराष्ट्रीय वेपार मेळाव्यांत गोंय राज्य वांटो घेता. अंदूंच्या मेळाव्याची संकल्पना आसा ‘वसुधैव कुटुंबकम’.
विंगड विंगड तासांचेर म्हायती विवीध माध्यमां वरवीं प्रसारीत करपा खातीर आनी ह्या वर्सुकी वेपार मेळाव्यांत गोंयच्यान वांटो घेवपा खातीर प्रसिद्धी खातें हें नोडल विभाग आसा. विवीध राज्यां आनी संघप्रदेश सोडून ह्या मेळाव्यांत संवसारभरचे देशून वांटो घेतले. ह्या मेळाव्यांत पर्यटन, गोंय पर्यटन विकास म्हामंडळ, उद्देग, वेपार आनी वाणिज्य, जीआयडीसी, हस्तकला, वस्त्रोद्योग आनी कॉयर खातें, गोंय गुंतवणूक प्रोत्साहन सुविधा मंडळूय वांटो घेतलें. म्हायती संचालक दीपक बांदेकार हांचे हस्तुकीं प्रगती मैदानार हॉल क्रमांक ३ बेअर स्पेसांत १०० चौ. मीटर जमनीचेर गोवा दळाचें उक्तावण जातलें.
गोवा पॅव्हेलियनाची रचणूक ह्या वर्साचे संकल्पने प्रमाण करतले. गोंयच्या लोकांचे आदरातिथ्य आनी ऑडिओ व्हिज्युअला वरवीं विकासात्मक कामगिरी, ल्हान होर्डिंग्ज आनी फोटोग्राफीक डिस्प्ले वरवीं गोंयचें जेवण सादर करपाचेर भर दितले. तशेंच हस्तकला, वस्त्रोद्देग आनी कॉयर खात्या वरवीं गोंयचे कारागीर गोवा पॅव्हेलियनांत परंपरीक गोंयचीं उत्पादनां, वस्तूंची विक्री करतले.
२७ नोव्हेंबराक १४ दिसांचो वेपार मेळावो सोंपचे पयलीं गोंयच्या स्टॉलांचेर फकत परंपरीक गोंय उत्पादनांक उर्बा दिवपाक भर दितले.
गोवा पॅव्हेलियनाचे विशिश्ट म्हळ्यार गोंयच्या कलाकारांचें सादरीकरण. गोवा पॅव्हेलियनची संकल्पना, डिझायन, उभारणी, सांबाळ आनी वेवस्थापनाची जापसालदारी गोंय सरकारान एडव्हरटायझिंग असोसिएट्स हें गोंयचे एजन्सीक दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
