भांगरभूंय | प्रतिनिधी
पेडणें: धारगळ पंचायती मुखार राष्ट्रीय म्हामार्गार स्विफ्ट मोटारीचो धपको बसून जाल्ल्या अपघातांत एका चलून वचप्याक जाग्यारूच मरण आयलें.
मेळिल्ले म्हायती प्रमाण तिवाडो धारगळचो चंद्रकांत कांबळी (50) हो पंचायती मुखा वेल्या राष्ट्रीय म्हामार्गा वयल्यान रस्तो हुपतना मुखा वेल्यान गतीन येवपी स्विफ्ट जीए 07 टी 0907 मोटारीचो नेटाचो धपको बशिल्ल्यान ह्या अपघातांत चंद्रकांत कांबळी हाका जाग्यारूच मरण आयलें. धारगळ पंचायती मुखार हो अपघात जाल्ल्यान आदले सरपंच तशेंच सद्याचें पंच वांगडी भूषण नायक आनी ह्या वाठारांतले लोक एकठांय जाले.
चंद्रकांत कांबळी हाका घरकान्न, एक चलो आनी एक चली आसाे घराबो आसा. पेडणें पुलिसांक अपघाताची म्हायती मेळ्ळे उपरांत पेडणें पुलिसांनी अपघाताचो पंचनामो केलाे. फुडलो तपास सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
