भांगरभूंय | प्रतिनिधी
दिवचल, प्रतिनिधी : हांगाच्या नामनेच्या नवो सोमार उत्सवा निमतान श्री देवी शांतादुर्गा देवस्थान बाजारकार धाजाण आनी नवो सोमार उत्सव समिती वतीन १८ डिसेंबराक विवीध धर्मीक, सांस्कृतीक कार्यावळींचें आयोजन केलां. ही म्हायती अध्यक्ष प्रशांत हिंदे, सचीव राजन कडकडे, नरेश कडकडे, रामानंद नाटेकार हांणी पत्रकार परिशदेंत दिली. ह्या निमतान भितरली पेठ श्री शांतादुर्गा मंदिरांत सकाळ सावन विवीध धर्मीक विधी, लघुरुद्र आरती, तिर्थप्रसाद महाप्रसाद जातलो.
सांजेवेळार ७ वरांचेर देवीची पालखी देवळांतल्यान भायर सरून लक्ष्मीनारायण मंदिरांत पावले उपरांत थंय रावतली. हांगा भजनाची कार्यावळ जातली. धा वरांचेर पालखी मिरवणूक भितरली पेठ, सोनार पेठ, भायली पेठ, बोर्डे वडा मेरेन वतली आनी दुसर्या दिसा देवळांत परत येतली.
राहुल कवळेंकार, प्रतीक कारापुरकार, दिनेश कारापुरकार, गणेश आळवी, प्रशांत कवळेकार, राजू आळवी, संजय देसाय, प्रसाद नाटेकार आनी हेर पदाधिकारी हे पत्रकार परिशदेक हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
