भांगरभूंय | प्रतिनिधी
दिवचल, प्रतिनिधी : लामगांव- दिवचलच्या एका घरांत पालिकेच्या नितळसाण कामगारान एके बायलेच्या घरात बेकायदेशीर प्रवेश केल्ल्याची घडणूक आनी हें प्रकरण गंभीर आशिल्ल्यान हे विशीं पालिकेन बेगीन कारवाय करपाची मागणी करची. तशेंच बायलांचे सुरक्षितताये विशीं दक्षता घेवपाची मागणी कॉंग्रेस फुडार्यांनी केल्या. जाल्यार एक निवेदन नगराध्यक्ष कुंदन फळारी हांणीय सादर केलें. बायलां कॉंग्रेस अध्यक्ष बीना नायक, आलवीन गोम्स, महेश म्हांबरे, वीरेंद्र शिरोडकार, संजय बर्डे, जोनिता डिसोझा, नायक, फिरोज बेग आनी हेरांनी ह्या वेळार निवेदन सादर केलें.
ह्या वेळार नगराध्यक्ष फळारी हांणी हे विशीं तपास करून त्या कामगाराक घरा धाडला. तशेंच ते बायले कडेनूय उलोवन चवकशी केी. पूण हे बायलेन कागाळ करूंक ना. हे विशीं गरजेची आशिल्ली कारवाय करतले अशें आस्वासन तांणी दिलें. कॉंग्रेसीन जें निवेदन दिलां ताचे वरवीं पुलिशेंत कागाळ दाखल करात, अशें गोम्स हांणी स्पश्ट केलें. भाजप महिला मोर्चा तशेंच नगरसेविका हे विशीं ओगी कित्याक आसा असो प्रस्न महेश म्हांबरे हांणी केलो. कसलेच तरेचें राजकीय फाटबळ दिनासतना हे विशीं चवकशी करची अशी मागणी ह्या वेळार कॉंग्रेसीच्या फुडार्यांनी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
