भांगरभूंय | प्रतिनिधी
मडगांव, प्रतिनिधी : दवर्ली- दिकरपाल सरपंच आनी उपसरपंच पदा खातीर आयज सोमारा वेंचणूक जाली. हे वेंचणुकेंत सरपंचपदार संतोष नायक जाल्यार उपसरपंचपदार कार्मिनो कार्व्हालो हांची नेमणूक जाली.
आदले सरपंच हर्क्युलानो निसाओ आनी उपसरपंच मिशेल मिरांडा हांचे आड विस्वासांत घेनासतना कामां केल्ल्याचो आरोप करीत स पंचांनी अविश्वास थाराव दाखल केल्लो.
सोमारा वेंचणुकां खातीर संतोष नायक, विद्याधर आर्लेकार, फ्रान्सिस्को डायस हांचे वांगडा कार्मिनो कार्व्हालो आनी मायला रोचा हांणी अर्ज केल्ले. ते फाटीं घेवपाच्या वेळार विद्याधर आर्लेकार हांणी आपलो अर्ज फाटीं घेतलो. उपरांत जाल्ले वेंचणुकेंत संतोष नायक सरपंचपदार जाल्यार कार्मिनो कार्व्हालो उपसरपंचपदार स आड पांच अश्या मतांनी वेंचून आयले. हे वेंचणुके उपरांत चार भाजप पंचां सयत दोन अपक्षांनी एकठांय येवन भाजप समर्थक पंचाक सरपंचपदार वेंचून हाडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
