थायरॉडाची समस्या बायलां मदीं कित्याक?
भांगरभूंय | प्रतिनिधी
‘हायपरथायरायडीझम’ वा ‘हायपोथायरायडीझम’ हाका थायरॉयड दुयेंस अशें म्हणटात. हातूंत तुमचे हार्मोन तयार जातात. हो ताळ्यांतले ग्रंथींतल्यान तयार जाता. पांख्याच्या आकाराचे हे ग्रंथीक थायरॉयड ग्रंथी अशें म्हण्टात. ह्या ग्रंथींनी जेन्ना उणे चड हार्मोन तयार जातात तेन्ना कुडीक बरेच त्रास जातात. वजन वाडटा वा उणें जाता. हे स्थितीक थायरॉयड अशें म्हणटात. थायरॉयड बायलांक चड प्रमाणांत जाता.
थायरॉयड समस्या निर्माण जावपाक फाटलीं जायतीं कारणां आसात. तज्ञांच्या मतान ताचेर उपचार करप सोंपें न्हय.
तज्ञ सांगतात, एस्ट्रोजन नांवाचो हार्मोन दादल्यां परस बायलांक चड आसता. तशेंच कुडींत प्रोजेस्टेरॉन (प्रजनना खातीर गरजेचो) नांवाचो हार्मोन आसता. ह्या दोन हार्मोनांत असंतुलन वा उतार-चढाव जाल्यार थायरॉयडाच्या कार्याचेरूय परिणाम जावं येता. हाका लागून थायरॉयडाची समस्या निर्माण जाता.
गुरवारपणांत बायलेचे कुडींत जायते हार्मोनल बदल जातात आनी हाचो थायरॉयडाच्या कार्याचेरूय परिणाम जाता. हाकाच लागून जायत्या बायलांक गुरवारपणांत थायरॉयडाची समस्या निर्माण जाता. सुंदर दिसपा खातीर बायलो जायत्यो वस्तू वापरतात आनी तातूंत आशिल्ल्या रसायनांचो तुमच्या अंत: स्रावी प्रणालीचेर (हार्मोन तयार करपी जायत्या ग्रंथींपसून तयार जाल्लो) परिणाम जावपाक शकता. हाका लागून कुडींत थायरॉयडाचो धोको वाडटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
