थानाच्या कांक्रा खातीर आंता मेरेन 92 हजार बायलांची तपासणी
भांगरभूंय | प्रतिनिधी
जागृताये खातीर क्रिकेट सर्तीचें आयोजन
पणजी, प्रतिनिधी : स्वस्थ महिला, स्वस्थ गोवा, येवजणे खाला आतां मेरेन 92 हजार बायलांची खासा यंत्राच्या आदारान तपासणी जाल्या. भलायकी मंत्री विश्वजीत राणे हांणी ही म्हायती दिली.
हे येवजणे खाला 1 लाख बायलांची तपासणी करपाचें उद्दिश्ट आसा. तें साध्य करपाचे दिकेन भलायकी खात्याची वाटचाल चालू आसा.
थानाच्या कांक्र दुयेंसाचे जागृताये खातीर पणजी जिमखाना मैदानाचेर बायलांची क्रिकेट सर्त जाली. ‘युवी कॅन’ चे मुखेली युवराज सिंग हांणी सर्तीचें आयोजन केल्लें. एसबीआय फावंडेशन आनी भलायकी खात्याच्या जोड पालवान ‘स्टंप कॅन्सर’ ही बायलांची सर्त जाली. भलायकी मंत्री विश्वजीत राणे हे पसून क्रिकेट खेळ्ळे.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
