भांगरभूंय | प्रतिनिधी
अचकीत तापमान देंवपाचो परिणाम काळजाचेर जाता. थंडीच्या दिसांनी तुमच्या काळजाचेर आनी रगतसंचालनाचेर परिणाम जाता. जाका लागून काळजाचो आताक, स्ट्रोक आनी उच्च रगतदाब जावपाचो धोको वाडटा. थंडीच्या दिसांनी काळजाचेर दबाव चड आसता. थंडीत शिरो आंवळुटा आनी पुराय कुडींतलें ‘ब्लड सर्क्युलेशन’ उणे जाता. अशे स्थितींत ऑक्सिजन आनी रगत पंप करपा खातीर काळजाक चड कश्ट करचे पडटात. हाका लागून थंडीच्या दिसांनी ही समस्या वाडटा आनी मरण येवपाचो धोको वाडटा.
थंडीच्या दिसांनी काळजाचो आताक येवपाचीं लक्षणां
निरोगी नाश्तो केल्यार टाळूं येता धोको
नाश्तो हो सदांच दिसाचो म्हत्वाचो भाग. नाश्तो वेळार केल्यार काळजाचो आताक आनी स्ट्रोक जावपाचो धोको उणो जाता अशें शास्त्रज्ञांनी सोदून काडलां. पूण नाश्त्यात कितें खाता ताचेर तें आदारून आसा. बीएमसी मेडिसीनांत उजवाडाक आयिल्ल्या अहवालांत शास्त्रज्ञांनी हो दावो केला.
प्लांट बेस्ड फूड फायदेशीर
नाश्त्या वेळार मांस आनी दुदाचे पदार्थ खावचे बदला प्लांट बेस्ड फूड जशीं पुराय कड्डणां, कणंगां, बदाम, ऑलिव्ह तेल, फळां आनी भाजीपालो खाल्यार काळजाचे दुयेंस आनी टायप 2 गोडेंमूत जावपाचो धोको उणो जाता अशें शास्त्रज्ञांचें मत आसा.
नाश्त्यात प्लांट बेस्ड डाएट आहार केल्यार काळजाचे दुयेंस आनी टायप 2 गोडेंमूत जावपाचो धोको उणो जाता अशें शास्त्रज्ञांनी आपल्या संशोधनांत सोदून काडलां. म्हत्वाचे म्हळ्यार अशा लोकांक खंयच्याय कारणाक लागून मरण येवपाचोय धोको उणो आसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
