भांगरभूंय | प्रतिनिधी
फोंडें, प्रतिनिधी: फर्मागुडयेर फोंडें शिक्षण संस्थेचे (पीईएस) अध्यक्ष तशेंच शेतकी मंत्री रवी नायक हांचे हस्तुकीं उत्तरकाशींतल्या सिल्क्यारा बोगद्यांत आडकून उरिल्ल्या ४१ कामगारांक वाचोवपाक मजत केल्ल्या अमोघ गुडेकार (फोंडें) आनी असिफ मुल्ला (धारबांदोडें) ह्या खाण अभियंत्यांचो भोवमान केलो. ह्या वेळार नगराध्यक्ष रितेश नायक आनी मुख्याध्यापिका वीणा कदम हाजीर आशिल्लीं.
मंत्री रवी नायक हांणी, दोग अभियंत्यांनी बोगद्यांतल्या ४१ कामगारांक भायर काडपाक मजत केली. अमोघ आनी असिफ हांणी केल्ल्या कामाची प्रेरणा तरणाट्यांनी घेवची. संकश्टांत मजतीक पावप्यांची समाज निश्चीत दखल घेता. ताका लागून कोणायकूय जिवनदान दिवपाचो यत्न तरणाट्यांनी करचो, अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
