भांगरभूंय | प्रतिनिधी
पणजी, प्रतिनिधी : राज्यांत आतां तिसर्या पांवड्या वयल्या खण ब्लॉकांची बेगीनूच पावणी जातली. पावणी प्रक्रिया बेगीन सुरू करपाचे आदेश मुख्यमंत्री डॉ. प्रमोद सावंत हांणी बसकेंत दिले. मुख्यमंत्र्यान खण, पर्यावरण तशेंच हेर खात्यांच्या अधिकार्यांची बसका घेतली.
हे बसकेंत खण ब्लाॅक, पावणी प्रक्रियेचेर चर्चा जाली. आतां मेरेन ९ खण ब्लॉकांची पावणी जाल्या. राज्यांतल्या ८६ खण लिजांचे ब्लॉक करून पावणी करपाचो निर्णय सरकारान घेतला.
पावणेचो तिसरो पांवडो सुरू करपाचे आदेश मुख्यमंत्र्यान दिल्या. ज्या ९ खण ब्लॉकांची पावणी जाल्या, तांकां पर्यावरणीय दाखले घेवपाची प्रक्रिया सुरू करपाचे आदेशूय मुख्यमंत्र्यान दिल्यात. खण अधिकार्या कडल्यान ही म्हायती मेळ्ळी. चिरे तशेंच रेंव काडपाच्या परवान्यांचेरूय हे बसकेंत चर्चा जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
