भांगरभूंय | प्रतिनिधी
वास्को, प्रतिनिधी: गोंयच्या तिसर्या जिल्ह्याची निर्मिती हें सरकारान बरें पावल उखल्लां. सरकाराच्या ह्या निर्णयाक हांव येवकारतां, अशें राष्ट्रीय बजरंग दल गोंय विभागाचे मुखेली नितीन फळदेसाय हांणी सांगलें.
भारतमाता की जय संघान फाटल्या दोन वर्सां सावन तीन जिल्ह्यांनी आपलें काम सुरू केलां. ताका लागून हें आयज ना फाटल्यां जावपाचेंच आशिल्लें हाची कल्पना आशिल्ली, अशें फळदेसाय हांणी फुडें म्हणलें. तिसर्या जिल्ह्याचो विचार करतना योग्य तो अभ्यास जावचो आनी जनतेकूय सुलभताय मेळची, अशें फळदेसाय हांणी म्हणलें.
सरकारान हालींच समिती स्थापन करून हे विशीं अभ्यास सुरू केला. नव्या जिल्ह्यातल्यो पंचायती, लोकांचो आंकडो, म्हत्वाच्यो समस्या हे विशीं समिती अभ्यास करतली. जिल्ह्यांतल्यो पांयाभूत सुविधायो आनी लोकांच्या मतां विशींय समिती अध्ययन कररतली अशें फळदेसाय हांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
