भांगरभूंय | प्रतिनिधी
कांदो 60 रुपया, बटाट 40 रुपया आनी मिरसांग 60 रुपया कील
पणजी ः सध्याच्या ह्या म्हारगायेच्या काळांत आयज पणजे बाजारांत टोमॅटोचो दर 50 ते 55 दर कील रुपया आसलो. हाचे भायर कांदो 60 रुपया, बटाट 40 रुपया आनी मिरसांग 60 रुपया कील दरान विकतात. फुडल्या कांय दिसांनी टोमॅटोचे दर उणे जावपाची शक्यताय ना. कारण पावसाक लागून कर्नाटक, महाराष्ट्र सयत देशांतल्या जायत्या वाठारांनी शेतवडीचें व्हड लुकसाण जालां.
फलोत्पादन म्हामंडळांच्या गाडयांनी आयज टोमॅटो 44 रुपया आनी कांद्याचो दर 53 रुपया कील आशिल्लो. नोव्हेंबराच्या दुसऱ्या सप्तका उपरांत टोमॅटोचे दर दुपेटीन वाडले. ते उपरांत ते उणे जावंक नात. बुधवारा कांदो 41 रुपया आशिल्लो, तो आयज 12 रुपया वाडून 53 रुपया जाला. हाचे भायर म्हामंडळाच्या गाड्यांनी बटाट्याचे दर 28 रुपया कील आसले.
20 ऑक्टोबर उपरांत राज्यांत कांद्याचे दर वाडत रावले. कांदो 80 रुपया मेरेन पाविल्लो. फाटल्या एका म्हयन्यांत कांद्याचो दर 20 रुपया उणो जाला. सध्या पणजे बाजारांत कांद्याचो दर कील 60 ते 65 रुपया आसा. हाचे आदीं जुलयांत टोमॅटोचो दर किला फाटल्यान 150 रुपया मेरेन वाडिल्लो. ते उपरांत ऑगस्ट म्हयन्यांत कांद्याचे दर वाडले. पूण ऑक्टोबराचे सुरवेक दोगांयचेय दर देंविल्ले.
हेर भाजयेचे दर
| भाजी | दर (रुपया / कील) |
| बटाट | 40 |
| मिरसांग | 60 ते 80 |
| मटार | 80 |
| दोडका | 80 |
| गाजर | 50 |
| शेवगा | 160 |
| कोबी | 30 |
| मेथी | 20 |
| शेपू, पालक | 10 |
| तांबडी भाजी | 10 |
| फ्लॉवर | 30 ते 35 |
| लिंबू | 20 रुपया ५ |
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
