भांगरभूंय | प्रतिनिधी
हिंदुत्वनिश्ठांचें पुलिसांक निवेदन
फोंडें, प्रतिनिधी: उत्तर प्रदेश सरकारान घेतिल्ल्या निर्णयाचेर गोंयच्या हिंदुत्वनिश्ठांनी उपाट खोस उक्तायल्या. गोंयांत हलाल उत्पादनांची निर्मिती, सांठवणूक आनी विक्रेचेर बंदी हाडची, तशेंच हलाल प्रमाणपत्र दिवपी संस्थांचेर कडक कारवाय करची, अशी मागणी करपी निवेदन फोंडेंच्या हिंदुत्वनिश्ठांनी फोंडें पुलीस स्टेशनांत के
ह्या वेळार बजरंग दलाचे रक्षीत शिरोडकार, बोरयेचे संदीप नायक, फोंडेंचे दिनेश शर्मा, राष्ट्रीय स्वयंसेवक संघाचे मिनानाथ उपाध्ये, हिंदु जनजागृती समितीचे सत्यविजय नायक, बोरयेचे प्रकाश नायक आनी आनंद शिरोडकार, फोंडेंचे मयूर कन्नावर हे हिंदुत्वनिश्ठ हाजीर आशिल्ले.
हे कागाळींत म्हणलां, हलाल प्रमाणीकरण ही समांतर प्रणाली म्हणून काम करता. ताका लागून जेवणाच्या दर्ज्या विशीं गोंदळ निर्माण जाला. देखून सरकारी नेमांचो भंग जाता. अन्न सुरक्षा कायद्याच्या कलम ८९ प्रमाण अन्नाचो दर्जो निश्चीत करपाचो भार केंद्र सरकारच्या भारतीय अन्न सुरक्षा मानक प्राधिकरण (FSSAI) आनी गोंय सरकाराचें अन्न आनी वखदां प्रशासन (FDA) हांचे कडेन आसा. फकत धर्माच्या आदाराचेर निर्मिल्ली ‘हलाल प्रमाणपत्र’ वेवस्था हेर समाज घटकां मेरेन बळयां पावयता. बहुसंख्यांक हिंदु समाज, तशेंच मुसलमान जाल्यार हेर अल्पसंख्यांक समाज हांकां ‘हलाल प्रमाणीत’ पदार्थ वा उत्पादनां घेवपाक लावप हें तांच्या धर्मीक अधिकारांचें उल्लंघन. गोंयांतूय हलाल प्रमाणीत खावपाचे जिन्नस, वखदां, ‘नमकीन’ ते सुकोमेवा, मिठाय, धान्य, तेल पसून, तशेंच साबण, शॅम्पू, टूथपेस्ट, नेलपॉलीश, लिपस्टीक तशेंच हेर सामान ल्हान दुकानां ते व्हडल्या मॉला मेरेन सगळे कडेन विकता. हालीं मडगांव रेल्वेस्टेशनाचेर हलाल प्रमाणीत वस्तूंचे विक्रेक कांय जाणांनी विरोध केल्ल्याचे ‘व्हिडिओ’ समाजीक माध्यमा वरवीं व्हायरल जातना दिसतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
