भांगरभूंय | प्रतिनिधी
मडगांव, प्रतिनिधी: वेर्णें- मडगांवां वचपी गाडयेन डोंगरी जंक्शन नुव्यां दुचाकी घेवन डोंगरेर वचपी जुवांव बाप्तिस्ता आंतानिओ कुतिन्हो (पिराय ६८, रा. डोंगरी, माजोड्डें) हाका धपको दिलो. उपचार सुरू आसतना ताका मरण आयलें. हे विशीं मायणा कुडतरी पुलिसांनी गुन्यांव नोंद करून तपास सुरू केला.
मेळिल्ले म्हायती प्रमाण, १६ डिसेंबराक सांजेवेळार सुमार ७.३० वरांचेर नुवें डोंगरी जंक्शना कडेन नव्या बायपास रोडार हो अपघात जालो. बाणावली मझिलवाडो हांगाचे कॅस्ली रिबेलो (२१) हे मोटार घेवन वेर्णा सावन मडगांवां वतना डोंगरी जंक्शना कडेन पावतांच डोंगरेचे दिकेन वचपी जुवांव हांचे मोटार सायकलीक धपको बसलो. ह्या अपघातांत जुवांव जखमी जालो. ताका जिएमसींत उपचारा खातीर दाखल केलो. पूण उपचारा वेळार जखमी जुवांव हाका मरण आयलें. हे विशीं पुलीस निरीक्षक दितेंद्र नायक हांच्या मार्गदर्शना खाला पुलीस उपनिरीक्षक प्रशांत भगत फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
