भांगरभूंय | प्रतिनिधी
पणजी : राष्ट्रीय खेळां सर्तीत पदकां मेळयल्ल्या आदिवासी विद्यार्थ्यांचो आदिवासी विद्यार्थी संमेलनात भोवमान जातलो. पांचवे आदिवासी विद्यार्थी संमेलन वेर्णा 11 डिसेंबराक जातलें. परिसंवाद तशेंच हेर कार्यावळीय जातल्यो.
‘उटा’चे अध्यक्ष प्रकाश वेळीप हांणी आयज पत्रकार परिशदेंत आदिवासी विद्यार्थी संमेलनाची म्हायती दिली. हे वेळार आदिवासी कल्याण खात्याचे संचालक दशरथ रेडकार आनी हेर अधिकारी हाजीर आशिल्लें. प्रमाणपत्र आनी रोख 20 हजार रूपया दिवन पदकां मेळयल्ल्या विद्यार्थ्यांचो भोवमान जातलो.
संमेलन 11 डिसेंबराक वेर्णा म्हालसा सभाघरांत जातले. मुख्यमंत्री डॉ. प्रमोद सावंत, खेळा मंत्री गोविंद गावडे, पर्यावरण मंत्री आलेक्स सिक्ववेरा आनी आमदार गणेश गांवकार संमेलनाक हाजीर रावतले. दिल्लीतले आयएएस अधिकारी सुरेश चंद्र आनी हेर मानेस्तांचीं मार्गदर्शन भाशणां जातलीं. दर वर्सा आदिवासी विद्यार्थी संमेलन जाता. आदिवासी समाजांत दोतोरकी तशेंच हेर उंचेलें शिक्षण घेवपी विद्यार्थ्यांचो भोवमान करतात, अशें वेळीप हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
