केंस गळपाची कारणां
भांगरभूंय | प्रतिनिधी
काळे, लांब, दाट आनी सोबीत केंस सगळ्यांकच जाय आसता. पूण हालींसराक केंस गळपाची समस्या सगळ्यांकच सतायता. हाका वेगवेगळीं कारणां आसात.
1) चड कंडीशनर वापरप
जायते लोक ही चूक करतात. कारण तांकां दिसता की चड कंडीशनर लायल्यार केंस मोव जातले. पूण तशें ना. केंसांची लांबाय आनी केस कशें आसा त्या प्रमाण कंडीशनर वापरचो. अजून एक म्हणल्यार लोक शॅम्पू सारकें कंडीशनर लायतात. म्हणजे केसांच्या मुळाक. पूण कंडीशनर फकत केंसांक लावपाक जाय.
2) चुकीचो शॅम्पू वेंचप
तुमची माथ्याची कात सुकी आसूं वा तेलकट आसूं, केंस सुके आसूं वा तेलकट आसूं वा तुमकां डँड्रफची समस्या आसल्यार तुमी योग्य शॅम्पू निवडचो. तशेंच शॅम्पू सतत बदलूंक नाकात.
3) केंस कापप ना
नेमान केंस कापल्यार तांचें रूप सुदारतलेच पूण फुटिल्ले केसां पसून सुटका मेळटली. फुटिल्ले केंसांचो परिणाम सगळ्या केंसांचेर जाता, देखून नेमान केंस कापचें.
4) सतत फणी भोंवडप
केंसांत दर दिसा शंबर स्ट्रोक्स आसपाक जाय अशें मानतात. पूण फणी कशी घुंवडायतात ताचेर तें आदारून आसता. कारण सुक्या केंसांतल्यान सतत फणी भोंवडयल्यार केंस तुटतात. तशेंच केंसांच्या मुळाक चड फ्रिक्शन जाता. जाका लागून केंसांक लुकसाण जाता.
5) चड रसायनां
केंस सैमीक रितीन बरे दवरप गरजेचें. सतत रसायनीक उपचार करत रावल्यार केंसांक लुकसाण जाता. देखून केंसांचेर चड सैमीक वस्तू वापरात.
6) स्टायलिंग उत्पादांचो चड वापर
जायते जाण आपल्या केंसांची सोबीतकाय वाडोवपा खातीर चड स्टायलिंग उत्पादन वापरतात. अशें केल्यार केंसांक खूब लुकसाण जाता. केंस गळप आनी तुटपाची समस्या सुरू जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
