भांगरभूंय | प्रतिनिधी
फोंडें, प्रतिनिधी: कुंडयच्या राष्ट्रीय म्हामार्गांचेर शुक्रारा सकाळीं दोन गाडयां मदीं जाल्ल्या अपघातांत एक चली जखमी जाली. तिका मडकयच्या मुळाव्या भलायकी केंद्रांत दाखल केल्या. दुसर्या रस्त्या वयल्यान गाडी वळोवपाचो यत्न केल्ल्यान हो अपघात घडलो. म्हाड्डोळ पुलिसांनी अपघाताचो पंचनामो केलो.
फोंडेंच्यान भोमाचे दिकेन वचपी जीए- ०८- ए – ३६२९ क्रमांकाच्या कार चालकान गाडी अचकीत दुसर्या रस्त्या वयल्यान उजवे वटेन वळोवपाचो यत्न केलो. तेन्ना ते दिकेन वचपी जीए -०५ -बी – ८४८२ क्रमांकाचे गाडयेचो धपको बशिल्ल्यान गाडी रस्त्यारूच उमथली. अपघातांत उमथी पडिल्ले गाडयेंत आशिल्ली चली जखमी जाली. अपघाताची म्हायती मेळ्ळे उपरांत म्हाड्डोळ पुलिसांनी अपघाताचे सुवातेर वचून पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
