भांगरभूंय | प्रतिनिधी
काणकोण: काणकोण म्हालांत चोरांनी देवळांतले फंडपेटयेंतली रक्कम फारायली, जाल्यार नगर्श्यां च्यायेच्या दुकानांतलें सामान फारायलें. किंदळ्यां निराकार देवस्थानांत चोरांक कांयच सांपडलें ना. पूण मुखेल दाराचें आनी कुशीच्या जनेलाचें कुलप तोडून देवस्थानाच्या सामानाची मोडतोड केली.
तळपणां गुरुप्रदेशी देवस्थानांतल्या आलमारीचें कुलप तोडून आनी तातूंत आशिल्ल्यो फंड पेटयेच्यो चावयो काडून फंड पेटींतले सुमार 25 हजार रुपया तशेंच स मायक चोरांनी फारायले.
जाल्यार नगर्श्यां संजू देसाय हांच्या च्या आनी फराळाच्या दुकानांतले खावपाच्या तेलाचीं पाकिटां, हॉटेलांतलीं आयदनां आनी बिस्किटीचीं पाकिटां चोरांनी फारायलीं. ह्या दुकानांत सीसीटीव्ही कॅमेरे बसयिल्ल्यान चोरांनी दुकानांतली वीज पुरवण पयलींच खंडीत केली आनी उपरांत चोरी केली.
किंदळ्यां निराकार देवस्थानांत चोरयेचो यत्न जाल्ल्याची कागाळ अक्षय देसाय हांणी पुलीस स्टेशनार केल्या. हे चोरये संबंदी काणकोण पुलीस फुडलो तपास करतात.
देवळांनी चोरी जावपाचे प्रकार उत्तर गोंयांत घडिल्ले. आतां काणकोणांय चोरयो जावपाक लागिल्ल्यान वेपाऱ्यां मदीं भिरांत पातळ्ळ्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
