भांगरभूंय | प्रतिनिधी
पणजी, प्रतिनिधी : दिवाळेक कांय दिसूच उरल्यात आनी नेमकें ह्या काळांत सिलिंडराच्या मोलांत वाड जाल्या. एलपीजीच्या दरांत वट्ट १०२.५० रुपयांनी वाड जावन आतां ताची किंमत १९०१ रुपया जाल्या. १९ किलाच्या कमर्शियल सिलिंडराच्या दरांत ही वाड जाल्या. जाल्यार घरगुती सिलिंडराची किंमत थीर आसा.
आयज, म्हळ्यार १ नोव्हेंबर सावन कमर्शियल सिलिंडराच्या दरांत वाड जाली. हे वाडिल्ले किमतीचो प्रभाव खाणा जेवणाचे उद्देग, रेस्टाॅरंटांचेर दिसून येतलो. आयचे हे सिलिंडराचे वाडीक लागून भायर खावप म्हारग पडटलें. मजगतीं, १ ऑक्टोबराक कमर्शियल सिलिंडराचो दर २०३ रुपयांनी वाडून ताचें मोल १७९८.५० रुपयांचेर पाविल्लें. तशेंच ऑगस्ट आनी सप्टेंबर म्हयन्यांत कमर्शियल सिलिंडराचो दर देंविल्लो.
गोंय राज्या सयत देशांतल्या हेर राज्यांनीय कमर्शियल सिलिंडराची किंमत वाडल्या
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
