भांगरभूंय | प्रतिनिधी
सोमाराच्यान सावन विक्री सुरू
नवी दिल्ली, खबरां संस्था: पांच राज्यांतल्या विधानसभा वेंचणुके आदीं सरकारान शेनवार 4 नोव्हेंबराक इलेक्टोरल बॉण्ड्सच्या 29 व्या पांवड्याक मंजुरी दिली. 6 नोव्हेंबराक ताची विक्री सुरु जातली. पीटीआय खबरां संस्थेन ही म्हायती दिली. इलेक्ट्रोरल बाँडा वरवीं पक्षांक देणग्यो घेवपाक मेळटात.
राजस्थान, मध्य प्रदेश, छत्तीसगड, तेलंगण आनी मिझोरामांत वेंचणूक प्रचार सुरू असतना हो निर्णय घेतलो. ह्या राज्यांत 7 ते 30 नोव्हेंबर मतदान आसतलें. जाल्यार मतमेजणी 3 डिसेंबराक जातली. पूण, सर्वोच्च न्यायालयान इलेक्टोरल बाँड्सच्या गरजेचेर प्रस्न उक्तायला. 5 न्यायाधीशांच्या खंडपीठान 4 याचिकांचेर निर्णय राखून दवरला. वेंचणूक आयोगा कडल्यान सगळ्या पक्षांच्या निधीचो तपशील मागयला.
वित्त मंत्रालयान एका निवेदनांत म्हणलां, सरकारान स्टेट बँक ऑफ इंडियाक 6 ते 20 नोव्हेंबर मजगतीं 29 फांट्यां वरवीं 29 व्या टप्प्यांत विक्री रोखे जारी करपाक आनी आडावपाक अधिकृत केलां. इलेक्टोरल बाँड येवजणे विशीं सुप्रीम कोर्टा कडल्यान निर्णय येवपाचो आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
