भांगरभूंय | प्रतिनिधी
वाळपय, प्रतिनिधी: सत्तरी म्हालांत खुबश्या सुवातांचेर आशिल्ल्या स्पीडब्रेकरांक रंग मारचो. ते सारके दिसनाशिल्ल्यान अपघात वाडल्यात. ताका लागून भौशीक बांदकाम खात्यान हाचे कडेन विशेश लक्ष दिवचें आनी सगळे स्पीडब्रेकर रंगोवचे, अशी मागणी प्रवासी आनी वाहन चालक करतात.
सत्तरींल्या शाळा, कॉलेजी, हॉस्पिटलां, देवळां ह्या सुवातांचेर स्पीडब्रेकर उबारल्यात. तांची सुचवणी दिवपी तक्टे लावप गरजेचें. खुबश्या सुवातांचेर ते लायल्यात. पूण सारके दिसनात. ताका लागून फुडें आशिल्ल्या स्पीडब्रेकराचो अदमास येनाशिल्ल्यान अपघात जातात. तातूंत खुबशे फावट गंभीर दुखापत जाता. देखून हाची दखल घेवची आनी स्पीडब्रेकर रंगोवचे, अशी मागणी प्रवासी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
