भांगरभूंय | प्रतिनिधी
नवी दिल्ली, खबरां संस्था: रस्तो अपघातांत जखमी जाल्ल्यांक वेळार हॉस्पिटलांत व्हरप्यांक केंद्र सरकारान समेरिटन (देवदूत) येवजणे खाला १५ हजार रुपया दिवपाची तयारी केल्या. सध्या ही रक्कम ५ हजार रुपया आसा. दरेक पंचायतींत तीन वांगड्यांचें पॅनल तयार करून मदतगारांचो आंकडो वाडयतले. एका वर्सांतल्या १० बेस्ट हेल्परांक एक लाख रुपया मेळटले. मानधनाची रक्कम केंद्रीय रस्ते वाहतूक मंत्रालय राज्यांच्या परिवहन विभागांक दिता. हे खातीर २१ खात्यांनी आनी केंद्रशासीत प्रदेशांनी वेगवेगळीं बँक खातीं उक्तीं केल्यांत. रस्तो येरादारी मंत्रालयान २०२१ वर्सा समेरिटन येवजण सुरू केली.
पंचायतींत ३ वांगड्याचें पॅनल तयार करतले
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
