भांगरभूंय | प्रतिनिधी
फटींग लोक लोकांक फटोवपा खातीर जायत्यो युक्ती वापरतात, तातूंतली एक युक्त म्हणल्यार ओटीपी घोटाळो. ओटीपी घोटाळ्या विशीं तुमी खूब आयकलां आसतलें, पूण फटींग लोक मदतीच्या नांवान तुमचें खातें कशें रितें करतात तें तुमकां खबर आसा?
पयलीं, मजत मागपाच्या निमतान फटींग मनीस तुमकां फोनाची बॅटरी सोंपल्या म्हणून सांगतले. उपरांत एक फोन करपा खातीर तुमचो फोन मागतले. जर अनवळखी व्यक्तीन मजत म्हणून तुमचो फोन मागल्यार त्याच खिणाक शिटूक जावचें.
अशे परिस्थितींत अशेंय जावं येता खरेंच कोण तरी त्रासांत पडला आनी तुमचो फोन मजतीक मागता. पूण फटोवपी तुमकां सामकेच तोपी घालून वतले. ते तुमचे कडेन फोन तुमकां फटोवपा खातीरूच मागतात. ते तुमच्या फोनाचेर उलयतां उलयतां ओटीपी पळयतले आनी दुसरो मनीस तुमकां तुमी कितल्याक पावल्या अशें विचारतलो. देखीक, दुसर्या मनशान तुमी खंयच्या वेळार पावले अशें विचारलें आनी ओटीपी १०५५ आसा जाल्यार दुसरे वटेन तुमच्या फोनाचेर उलोवपी मनीस १०:५५ म्हणटले.
अशे परिस्थितींत, OTP सामायीक करतले आनी तुमचें बँक खातें रिकामें जावपाक शकता. ताका लागून मजत करप बरें पूण शिटूक रावून. तुमची एक चूक तुमचें व्हड लुकसाण करपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
