भांगरभूंय | प्रतिनिधी
संपाच्यो तारखो ११ जानेवारी मेरेन वाडपाची शक्यताय
नवी दिल्ली, खबरां संस्था ः अखील भारतीय बँक कर्मचारी संघटणेन ४ डिसेंबर सावन देशभर संप जाहीर केला. ह्या संपाच्यो तारखो ११ जानेवारी मेरेन वाडपाची शक्यताय आसा. मजगतीं, देशभरांतल्यो जायत्यो सरकारी आनी खाजगी मळा वयल्यो बँको हातूंत वांटो घेतल्यो.
संघटणेन जारी केल्ले अ
कळोवणेंत डिसेंबरांत जावपी स दिसांच्या संपाची वळेरी जाहीर केल्या.
४ डिसेंबर: पंजाब नॅशनल बँक, स्टेट बँक ऑफ इंडिया आनी पंजाब आनी सिंध बँक.
५ डिसेंबर: बँक ऑफ बडोदा आनी बँक ऑफ इंडिया.
६ डिसेंबर: कॅनरा बँक आनी सेंट्रल बँक ऑफ इंडिया.
७ डिसेंबर: इंडियन बँक आनी युको बँक.
८ डिसेंबर: युनियन बँक ऑफ इंडिया आनी बँक ऑफ महाराष्ट्र.
११ डिसेंबर : खाजगी बँकोय संपात वांटो घेतल्यो.
कर्मचार्यांच्या मागण्यां मदीं ‘कायम नोकर्यांचें आउटसोर्सिंग बंद करप आनी सगळ्या बँकांनी फावो त्या स्वरुपांत अवॉर्ड कर्मचार्यांची भरती करप’ हांचो आस्पाव आसा. मजगतीं, कायम नोकर्यांच्या आउटसोर्सिंगाक लागून गिरायकांची गुप्त म्हायती उक्ती करपाचो धोको वाडटा. उद्देगीक वाद (दुरुस्ती) कायदो मोडून कांय बँको कर्मचार्यांची जबरदस्तीन बदली करतात असोय आरोप संघटणेन केला.
ह्या संपाक लागून देशभरांतल्या बँकींग सेवांनी आडमेळीं येवपाची शक्यताय आसा. ह्या काळांत जायत्या फांट्यांनी कर्मचारी नाशिल्ल्यान गिरायकांक वेगवेगळ्या बँकींग सेवांचो लाव घेवपाक आडखळी येवंक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
