भांगरभूंय | प्रतिनिधी
पणजी, प्रतिनिधी : अंदुं गोंयांत जावपी 54 व्या चित्रपट महोत्सवाक 25 हजारां परस चड प्रतिनिधी नोंद जातले, अशी आस्त केंद्रीय म्हायती आनी प्रसारण राज्य मंत्री एल. मुरुगन हांणी उक्तायल्या. चित्रपट महोत्सवाच्या तयारेचो नियाळ घेतले उपरांत ते पत्रकारां कडेन उलयताले.
एल मुरुगन हांणी आयज मुख्यमंत्री डॉ. प्रमोद सावंत हांचे सयत बसका घेतली. दर वर्सा इफ्फीच्या आयोजनांत सुदारणा जायत आसा. सिने कलाकारांच्या हाजिरेक लागून इफ्फीचें ग्लॅमर वाडलां. हाका लागून सिनेमा संस्कृती तयार जाता. महोत्सवाची तयारी योग्य दिकेन सुरू आसा. जिणे गौरव पुरस्कार फावो जाल्ले मायकल डग्लस हे महोत्सवाक उपस्थित रावतले, अशें मुरुगन हांणी सांगलें.
उक्तावण सुवाळ्याक सिने नट सलमान खान उपस्थित रावतले, अशी चर्चा आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
