भांगरभूंय | प्रतिनिधी
भांगरभूंय । पत्रक
वास्कोः बायणा हांगा रवींद भवनांत बुधवारा जाल्ले गुरू पुनव कार्यावळींत बाबू गडेकार, अनिकेत तोरस्कार, दामोदर धारगळकार, नागरत्ना च्यारी, संदेश भंडारी ह्या संगीत कला शिक्षकांचें तांच्या शिश्यवर्गान पूजन केलें 80 विद्यार्थ्यां हे कार्यावळींत वांटेकार जाल्ले.
वास्को रवींद्र भवनाचो अध्यक्ष जयंत जाधव, उपाध्यक्ष डॉ धर्मेंद्र प्रभुदेसाय, कार्यावळ अधिकारी बरेश नायक ह्या वेळार हाजीर आशिल्ले.गुरू पुनव ही आपल्या गुरूजीक वंदन करपा खातीर आसता. आवय-बापाय उपरांत तांची सुवात आसता. गुरूची आज्ञा पाळल्यार येसस्वी जापाक मेळटा अशें जाधव हांणी सांगलें. दरेकाचे जिणेंत आपल्या गुरूची एक खाशेली सुवात आसता अशें प्रभुदेसाय हांणी सांगलें.
कथक शिक्षिका नागरत्ना च्यारी हिच्या विद्यार्थीनीनीं येवकाक गीत सादर केलें. संवादिनी शिक्षक बाबू गडेकार हांच्या विद्यार्थ्यांनी सोलो वादत तशेंच वेगवेगळ्या रागदारींतलीं पदां सादर केली. गायन शिक्षक अनिकेत तोरस्काराच्या विद्यार्थ्यांनी गायन सादर केलें. जाल्यार तबलें शिक्षक दामोदर धागरगळ हांच्या विद्यार्थ्यांनी तबला वादन केलें. पांच वर्सां पिरायेच्या मयांक अनिल पंडितान सगल्यांक तबला साथ केली. पुराय कार्यावळीचें सूत्रसंचालन करून निमाणे अनिता दामोदर कोचरेकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
