भांगरभूंय | प्रतिनिधी
नावेलीच्या रोझरी उच्च माध्यमीक विद्यालयान राज्य पांवड्या वयली चलयांची 17 वर्सां पिराये सकयली सुब्रतो मुखर्जी फुटबॉल सर्त जिखली. ह्या जैतान ताणें नवी दिल्ली जावपी 17 वर्सां पिराये सकयले अखील भारतीय सुब्रतो मुखर्जी फुटबॉल सर्तीची पात्रताय मेळयली.
मजगतीं, काल जाल्ले फायनलींत ताणें हरमलच्या अवर लेडी ऑफ कार्मेल हायस्कुलाक 13-0 अशा व्हडा फरकान हारयलें.
एक वटेन जाल्ले मॅचींत वेलेंडा डिसिल्वा आनी विनोष्का फर्नांडीस हांणी हॅट्रीक केली. स्वेलेन फर्नांडीस आनी रिया पिंटो हांणी दरेकी दोन गोल केले. जाल्यार अॅबिगेल रॉड्रिग्स, मर्लीन मास्कारेन्हस आनी पलोमा पिरीस हांणी दरेकी एक गोल केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
