भांगरभूंय | प्रतिनिधी
यंग स्टार्स ऑफ मौराक 3 विकेटींनी हारोवन बादे स्पोर्ट्स क्लबान गोंय क्रिकेट असोसिएशनान आयोजीत केल्ले तिसवाडी बी विभाग लीग क्रिकेट सर्तीचे फायनलींत सुवात मेळयली. मॅच पर्वरी क्रिकेट अकादमीच्या मैदानाचेर जाली.
पयली बॅटींग करतना यंग स्टार्स ऑफ मौरान 30 ओव्हरींनी 9 विकेटी वगडावन 154 धांवड्यो केल्यो. प्रत्युत्तर दिवपी बादे स्पोर्ट्स क्लबान तीन विकेटी राखून जैत जोडलें.
धांवतकटोः यंग स्टार्स ऑफ मौरा, 30 ओव्हरींनी 9 बाद 154 धांवड्यो (राजेश तुकाडिया 21, ओमकार मोहोल 53, कस्तुभ पिंगुलकार 27, संजय नायक 12, अजिंक्य च्यारी 14 धांवड्यो, अभिनंदन ठाकूर, सिद्धेश अरोरा, सिद्धेश हमरस्कार दरेकी 2 विकेटी) हार आड बादे क्लब, 28.4 ओव्हरींनी 7 बाद 156 धांवड्यो (ऋषभ नायक नाबाद 32, अतूल काणकोणकार 13, सोहेल ख्वाजा 21, सुरज सावळ 17, शुभम च्यारी 24 धांवड्यो, सार्थख वाळके 3-26, राजेश तुकाडिया 2-27).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
