भांगरभूंय | प्रतिनिधी
आमदार फळदेसाय हांकां विस्वास
पणजी, प्रतिनिधी: पोरणें गोंयचे बेकायदो बांदकाम हें खंयचेय स्थितींत मोडपाक जाय. गोंयचो सायब आमचे वांगडा आसा. गोंयच्या सायबाचे कृपेन खंयचेय स्थितींत हें बांदकाम 6 म्हयन्यांत मातये भरवण जातलें, असो विस्वास आमदार राजेश फळदेसाय हांणी आयज उक्तायलो.
पोरणें गोंयची चर्च आनी बेकायदो बांदकाम कुंभारजुवें मतदारसंघांत येता. म्हजो न्याय पालिकेचेर पुराय विस्वास आसा. न्यायालय योग्य निर्णय दितलें. लोकांचो बांदकामाक विरोध आसा. हांव कायम लोकां वांगडा आसा, अशें तांणी सांगलें.
बांदकाम मोडपाचो आदेश स्थगीत दवरपाचो खंडपीठाचो आदेश अयोग्य आशिल्ल्याचें निरीक्षण सर्वोच्च न्यायालयान उक्तायलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
