जमीन हडप प्रकरणांत जॉनाचो अटकपूर्व जामीन खातीर अर्ज

भांगरभूंय | प्रतिनिधी

भांगरभूंय । प्रतिनिधी
पणजीः सुकूर-पर्वरी हांगची जमीन बोगस दस्तावेज तयार करून आपल्या नांवार करपाच्या प्रकरणातलो एक दुबावीत जॉन पॉल वालीस हांणे म्हापशेंच्या अतिरिक्स सत्र न्यायालयांत अटकपूर्व जामिना खातीर अर्ज केला. ताका पुलिसांनी अटक केल्यार 10 हजाराचो बाँड आनी तितलेच रक्कमेची हमी दिवपाचो अंतरीम आदेश न्यायालयान दिला. फुडली सुनावणी 28 जुलयक दवोरल्या.
जॉन वालीस, संदीप वझरकार, सँड्र डिसा, केर्थ डिसा, मौरीन साल्ढाना आनी रेक्स जॉन हांणी सुकूरांतल्या सर्वे नंबर 2105तली 5 हजार चौखण मीटर जमीन बोगस दस्तावेज तयार करून तांच्या नांवार केल्ल्याची कागाळ जेरॉमिनो ओविवेरिओ डिसोझा हांणे पर्वरी पुलीस स्टेशनांत केल्ली. पर्वरी पुलिसांनी ह्या दुबावितां आड कागाळ नोंद करतकूच वालीस हाणे अटक जावपाची शक्यताय आशिल्ल्यान अटक पूर्व जामिना खातीर अर्ज केला.