भांगरभूंय | प्रतिनिधी
चाकू दाखोवन धमकायल्या प्रकरणांत फातोड्डें पुलिसांनी कारवाय करून इक्बाल हवालदार ह्या दुबाविताक अटक केल्या. नागराज खान ह्या दुसऱ्या दुबाविताचो सोद सुरू केला.
ह्या प्रकरणांत गवळीवाड्या वयल्या दीपक साठे हांणी कागाळ केल्या. ७ मे ह्या दिसा सुमार ७.१० वरांचेर कागाळदार आनी ताची आवय दुचाकी वयल्यान मडगांवां येतालीं. तेन्ना दुबावितान वायट उतरां वापरून आनी चाकवाचो धाक दाखोवन आपणाक जिवे मारपाची धमकी दिली म्हणपाचे कागाळेंत म्हणलां.
ह्या प्रकरणांत फातोड्डें पुलिसांनी एकल्याक अटक केल्या. दुसऱ्या दुबाविताचो सोद सुरू आसा अशी माहिती फातोड्डें पुलीस स्टेशनाचे पुलीस निरिक्षक गिरेंद्र नायक हांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
