भांगरभूंय | प्रतिनिधी
भांगरभूंय प्रतिनिधी
काणकोणः अवतिकाय जाल्ल्या गुळें- बाळ्ळी रस्त्याचें हॉटमिक्स डांबरीकरण करपा खातीर सभापती रमेश तवडकार हांणी मुख्यमंत्री डॉ प्रमोद सावंत हांचे कडल्यान 27 कोटी 70 लाख रुपयें मंजूर करून घेतल्यात अशी म्हायती भाजपाचे दक्षीण गोंय उपाध्यक्ष महेश नायक हांणी श्रीस्थळ हांगच्या विसोव घरांत घेतिल्ले पत्रकार परिशदेंत दिली.
लोलयें पंचायत वाठारांतल्या अंतर्गत रस्त्यांच्या डांबरीकरणा खातीर 4.15 कोटी, पैंगीण पंचायत वाठारांतल्या रस्त्यां खातीर 2.81 कोटी रुपये मंजूर जाल्यात आनी कामाक सुरवात केल्या. खोतीगांव हांगचो मोबायल टॉवर तीन म्हयन्यांत उबारतले ते उपरांत कनेक्टिव्हिटीचो प्रश्न सुटावो जातलो अशें तांणी सांगलें. गुळें- बाळ्ळी रस्त्याच्या डांबरीकरण कामाक मुख्यमंत्री डॉ प्रमोद सावंत हांच्या वाडदिसा निमतान आयतार 24 एप्रीलाच्यान सुरवात केली.
पत्रकार परिशेक काणकोण भाजपा मंडळाचो सरचिटणीस विशांत गांवकार, सचीव प्रभाकर गांवकार, सिद्यार्थ देसाय, मनोज नायक, संजू तिळवे, विनय तुबकी, पंच दत्ता गांवकार, नगरसेविका सारा देसाय, अमिता पागी, नगरसेवक हेमंत नायक गांवकर, नार्सिस्को फ़र्नाडीस, उपनगराध्यक्ष लक्ष्मण पागी हाजीर आशिल्ले. काणकोण भाजपा मंडळ फुडलीं धा वर्सां काणकोणचो आमदार आनी सभापती रमेश तवडकार हांच्या फटल्यान रावतलें अशें विशांत गांवकार आनी सिद्धार्थ देसाय हांणी सांगलें. फाटल्या पांच वर्सांत काणकोण मतदारसंघाची म्हणपाक जाय तितली उदरगत जाली ना असो आरोप काणकोणचे आदले नगराध्यक्ष आनी भाजपा फुडारी किशोर शेट हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
