भांगरभूंय | प्रतिनिधी
भांगरभूंय । प्रतिनिधी
काणकोणः काणकोणच्या 7 ग्रामपंचायतीच्या 59 पंच वांगड्यांक वेंचून काडपा खातीर 28659 मतदार मतदान करपाक पात्र आसात. पंचायत वेंचणुके खातीर काणकोण तालुक्यांतल्या मंगळाराक दोग जाणांनी उमेदवारी अर्ज दाखल केले. पयल्या दिसा एकूच अर्ज आय़िल्लो.
श्रीस्थळ पंचायतीच्या एसटी खातीर राखीव आशिल्ल्या वॉर्ड 4तल्यान उल्हास वेळीप हांणी अर्ज दाखल केला. आगोंदचो आदलो सरपंच बादल नायक गांवकारान वॉर्ड 5 आनी रामनाथ वेळीप हाणे वॉर्ड 7तल्यान उमेदवारी अर्ज सादर केला.
मनोज कोरगांवकार निर्वाचन अधिकारी आसात. वेंचणुकेची सगली तयारी केल्या. उमेदवारी अर्ज स्विकारपा खातीर खासा वेवस्था केल्या. उमेदवारी अर्ज आनी मतदार वळेरी उपलब्द केल्या. 25 जुलय मेरेन अर्ज स्विकारतले आनी 26 जुलकाक तांची छाननी करतले अशें कोरगांवकारान सांगलें. तालुक्यांत संवेदनशील वॉर्ड नात. वेंचणुकेचेर बहिश्कार घालपाचे संकेंत अजून मेळूंक नात अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
