भांगरभूंय | प्रतिनिधी
भांगरभूंय । पत्रक
पणजीः रिलायन्स इंडस्ट्रीजचे अध्यक्ष मुकेश अंबानी आनी तांचो चलो अनंत अंबानी हांणी आसामांतल्या हुंवार पिडेस्तां खातीर 25 कोटी रुपयांची मजत दिल्या. आसामाचो मुख्यमंत्री डॉ हिमंता बिस्वा सरमा हांणी हे खातीर तांचे उपकार मानल्यात.
हुंवाराक तोंड दिपवी आसामांतल्या लोकां खातीर रिलायन्स फावंडेशन फाटल्या एक म्हयन्या सावन मजत करीत आसा. हे खातीर तांचो पंगड आसामांत राज्य आपत्ती वेवस्थापन, प्राधिकरण, भलायकी आनी कुटूंब कल्याण विभाग आनी राष्ट्रीय भलायकी अभियान, गोरवां सांबाळ आनी जिल्हो प्रशासना वांगडा काम करता. सगल्यांत चड लुकसाण जाल्ल्या कचार आनी नागाव जिल्हांत जायते कडेन वैजकी शिबिरां आयोजीत करता तशेंच मजत किटाचें वांटप करता. वैजकी शिबिरांचो आतां पसून दोन हजारां परस चड लोकांची भलायकी तपासणी करून तांचेर उपचार केल्यात. पशु छावण्यांत 10 हजारां परस चड रानां जिवांचेर उपचार केल्यात
वैजकी शिबिरां वांगडाच रिलायन्स फावंडेशन तात्काळ मजत म्हणून गरजू लोकांक अन्नधान्यांचें वांटप करता. आतां मेरेन 5 हजारां परस चड कुटूंबाक हें वांटप केलां. रिलायन्स फावंडेशन कछार जिल्ह्यांतल्या सिलचर, कालीन, बोरखोला आनी काटीगोग विभागांतल्या हुंवार पिडेस्तांक मजत करता. तशेंच नागाव जिल्ह्यांतल्या काथियाटोली, राहा, नागाव सदर आनी कामपूर विभागांत ताचें मजत काम सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
