भांगरभूंय | प्रतिनिधी
माकोडमाम अशो जायत्यो काणयो सांगतालो. मुंगुस आनी ताचीं भुरगीं खोशी जाताली.तांची इश्टागत वाडत चलिल्ली.आतां नवो इश्ट जाल्लो हुंदीर….भिवकुरो हुंदीर. हुंदीर मुंगुसाच्या घराब्याचो वांगडी.
“आमकां आनी काणयो सांग” मुंगुसाची काची कुची आड्डली. राणयेन रानांत नवें राज्य केलें. रानांत सगळ्यांनी एकवटान रावप सोंपें जालें. तरी केन्नाय झगडीं आसताली.
राणी हुशार आनी बुदवंत. तिणें पळयलें ही मनीसजात रानां सांबाळपाक फाटीं. कितेंय तरी करुन रानां तशींच दवरुंक जाय. एक दीस दिसाचोच रानांच्या एका कोनशाक उजो लागलो. जनावरां धांवंक लागलीं.
खंय वच्चें? कोणाक कांयच कळना जालें.थंडेचे दीस. दंव पडलो.ल्हवु ल्हवु रानांतलो उजो इल्लो इल्लो पालवलो.
रानांतल्या जीव जंतु आनी सुकण्यांक हुस्को कसो जालो. रानां कशीं सांबाळची? तांचो राबितो आनी खावपाची वेवस्था सारकी उरची म्हूण राणयेन बसका घेतली.
माकोडमाम पेरगांव घालपाक सांग.
माकोडमाम धा म्होंवामुसांक घेवन सगळ्या रानांत पेरगांव घालून आयलो.
कोणाक म्होंवामुसांक? प्रणवान विचारलें
“हय आवाज काडीनासतना म्हेंवामूस उडले. पंचवीस माकोडमाम तांचे बरोबर सगळ्यांक आपोवणे दिवन आयले. माकडानी धोल वाजयलो…..सगळ्यांक भोव खोस जाली.
पुनवेच्या दुसरे दिसा व्हडली बसका जाली. येदी व्हड रानां वाटावप कशीं? हो एकच बसकेचो विशय आशिल्लो.
केन्ना झाडां कातरतात, केन्ना तेंमकांय खणटात. फुडें जावचें कशें?
खरेंच, म्हणलें सगळ्यां भुरग्यांनी
कितें करचें पडटलें?
” आमकां फर्निचर करपाक लाकडां जाय ” बावलेन म्हळें
” फुडें कशें जावचें?”
अशी झाडां मारल्यार प्राणवायु कसो मेळटलो? बावलेन विचारलें
म्हळ्यार ऑक्सिजन ना जातलो? शायना आड्डलें
हय गो बाय. माकोडमामाकुय हेंच चिंतप आयलें. राणी मात बरीच बुदवंत. तिणें तकली वापरली.
” सगळ्याक शांत जावंक सांगलें”
कसलेंय बरें काम शांत रावन, थंडपणान करपाक जाय. शांत रावन फुडें पावल मारुंक जाय. शांतताये बगर दुसरो मार्ग ना. तुमचे मनांत कितें येता तें दुसरे बसकेत सांगात. माकोडमामान राणयेचें उतर सगळ्यांक कळीत
केलें.
खोशी जावन माकोडमामान ताळयो मारल्यो.
” तुमच्यो येवजण्यो घेवन येयात. तांचेर विचार करुंया ” म्हळें राणयेन.
एक म्हयनो मेळ्ळो सगळ्यांक.
….फुडें पळोवया राणी कितें सांगता ती म्हणलें बावलेन……
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
