भांगरभूंय | प्रतिनिधी
नवी दिल्ली, खबरां संस्था ः जोडीचे बाबतींत आमचो देश खंयच्या नंबराचेर आसा हें सगळ्यांक खबर आसा. पूण हें सर्तींत आपल्या देशांतलीं राज्यां खंयचे सुवातेर आसा हें तुमकां खबर आसा? खंयचें राज्य जोडीचे बाबतींत सगळ्यांत फुडें आसा हाची तुमकां आयज आमी म्हायती दितले.
एका सर्वेक्षणांतल्यान कळिल्ले प्रमाण देशांतल्या सगळ्यांत चड जोडपी राज्यांचो डेटा उक्तो जाला. हाचेर तुमच्या राज्याची स्थिती कितें? हे विशीं म्हायती दिल्या.
सरकारी आनी निमसरकारी संस्थांनी चालीक लायिल्ल्या विंगड विंगड येवजण्यांनी लोकांची अर्थीक स्थिती सुदारपाक मदत जाल्या. भारतीय कुटुंबांचें सरासरी उत्पन्न वाडलां. कुटुंबाचें उत्पन्न दिसान दीस वाडत आसा. मजगतीं, खंयच्या राज्यांत चड जोड जाता आनी भारतीयांचें सरासरी उत्पन्न कितलें तें समजून घेवपाचो यत्न आमी आयज करुया.
ह्या राज्यांतले लोक सगळ्यांक चड पयशे जोडटात
कर्नाटक, महाराष्ट्र आनी चंदीगड हीं तीन राज्यां पयशे जोडपाक मुखार आसात. ह्या तीन राज्यांतल्या लोकांच्या उत्पन्नांत वाड जाल्ल्याचें ह्या सर्वेक्षणांतल्यान स्पश्ट जालां. हे वाडिचें मुखेल कारण म्हणल्यार जोडपी लोकांचो आंकडो वाडला. फाटल्या वर्साचे तुळेंत कुटुंबांतल्या वांगड्यांचो आंकडो ४.२ आशिल्लो तो आतां ४.३ जाला. कर्नाटक, महाराष्ट्र आनी चंदीगड हीं भारतांतलीं सगळ्यांत चड जोडपी राज्यां. फाटल्या वर्सा उत्पन्नाचे बाबतींत महाराष्ट्र मुखार आशिल्लें पूण अंदूं कर्नाटक राज्य पयल्या क्रमांकाचेर आयलां. ह्या सर्वेक्षणांत बिहार, झारखंड आनी ओडिशा जोडपा संबंदी फाटीं आसा. बिहार हें सगळ्यांत उणें उत्पन्न मेळोवपी राज्य जावन आसा.
भारतीयांचें उत्पन्न कितलें आसता?
व्यक्ती आनी कुटुंबीक अर्थीक स्थिती सुधारपा वांगडा ह्या सर्वेक्षणांत उत्तरेच्या राज्यांनी सुवार्थ आनी भागीदारीचो उणाव आशिल्ल्याचें मुखार आयलें. हेर राज्या कडल्यान शिकोवपाची आनी तांचे कडल्यान सहकार्य घेवपाची ही एक संद आसा. जाका लागून ह्या प्रवासांत सुधारणा आनी प्रचार करपाक मेळटालो. २०२२ च्या आंकड्यां प्रमाण, भारतीय कुटुंबांचें सरासरी उत्पन्न २५,९१० रुपया आसा, जें फाटल्या वर्साच्या २३,००० रुपयां परस सुमार १० टक्क्यांनी चड आसा.
२०२२ त भारतीय कुटुंबांचें म्हयन्याळें उत्पन्न २३,००० रुपया आशिल्लें. तें आतां २०२३ त २५,९१० रुपया जालां. २०२२ त महाराष्ट्र पयले सुवातेर आशिल्लें. उपरांत कर्नाटक आनी चंदीगडचो क्रमांक लागता. कर्नाटक २०२३ त पयले सुवातेर पाविल्लें. ह्या राज्यांतली जोड सुमार ३५,४११ रुपया आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
