भांगरभूंय | प्रतिनिधी
पणजीः मंगळारा राज्यांतल्या तापमानांत वाड कायम आशिल्ली. फाटल्या २४ वरांनी पणजे चडांत चड तापमान ३४.९ अंश आनी मुरगांवां ३४.७ अंश सेल्सियस नोंद जालां. फुडले स दीस राज्यांत चडांत चड तापमान ३४ ते ३६ अंश सेल्सियस मदीं उरपाची शक्यताय आसा. मंगळारा पणजेचें तापमान ४० अंश सेल्सियस अशें जाणवलें. हवामानांतल्या वेगवेगळ्या बदलांक लागून आयज आनी फाल्यां राज्यांत गडगडा सयत पावस पडपाची शक्यताय हवामान खात्यान उक्तायल्या.
मंगळारा राज्यांतलें उण्यांतलें उणें तापमानूय वाडलें. पणजेंत उण्यांत उणें तापमान २८.३ अंश सेल्सियस नोंद जालां. मुरगांवां उण्यांत उणें तापमान २८.४ अंश सेल्सियस उरलें. २९ एप्रिल ते ३ मे ह्या काळांत राज्यांतलें उण्यांत उणें तापमान २७ ते २८ अंश सेल्सियस मदीं उरपाची शक्यताय आसा. ३० एप्रिल ते ३ मे ह्या काळांत राज्यांतलें हवामान सुकें उरपाची शक्यताय आसा. राज्यांत १ मार्च ते २८ एप्रील मजगतीं सरासरी ४.४ मिमी पावसाची नोंद जाल्या. हाचे मजगतीं सांग्यार सगल्यांत चड १६.८ मिमी पावसाची नोंद जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
