भांगरभूंय | प्रतिनिधी
पणजी ः नातलां आनी नव्या वर्साक येवकार दिवपा खातीर व्हड प्रमाणांत देशी – विदेशी पर्यटक गोंयांत येतात. तसो वाहनांचो आंकडोय व्हड प्रमाणांत वाडटा. हाका लागून पर्यटन थळां आनी शारांनी येरादारीची समस्या जाता. ही समस्या टाळपा खातीर येरादारी पुलिसांनी ‘येरादारी वेवस्थापन आराखडो’ तयार केला. ते प्रमाण पुराय राज्यांतल्या येरादारीचेर नियंत्रण दवरपा खातीर 800 पुलीसांची वेवस्था करतले अशी म्हायती येरादारी पुलीस अधीक्षक अक्षत कौशल हांणी दिली.
कौशल हांणी दिल्ले म्हायती प्रमाण, येरादारी वेवस्थापन करपा खातीर पुराय राज्यांत 800 पुलीस तैनात करतले. हेर दिसांनी ह्या कामा खातीर 500 पुलीस नेमिल्ले आसात. कळंगूट आनी बागा वाठारांत पर्यटकांची व्हड गर्दी आसता. देखून हांगा खासा लक्ष दितले. सनबर्न महोत्सवा खातीरय 26 डिसेंबर मेरेन येरादारी वेवस्थापन आराखडो तयार करतले. ह्या काळांत अपघात जावचे न्हय हे खातीर खाशेली जतनाय घेतल्या. सोरो पियेवन वाहन चलोवप्यांचेर कारवाय जातली. काल सावन ही मोहीम सुरू जाल्या. काल शुक्रारा सोरो पियेल्ले खातीर 26 जाणांक तालांव घातला, अशें कौशल हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
