भांगरभूंय | प्रतिनिधी
फोंडें, प्रतिनिधी: निरंकाल हांगा बुधवारा रातच्या सुमार ७ वरांचेर नारायण बोरकार हांच्या गोठ्याक उजो लागलो. शॉर्ट सर्कीटाक लागून उजो लागिल्ल्याचो दुबाव आशिल्ल्यान उजो लागिल्ल्यान ५० हजार रुपयांचें लुकसाण जालां. रातचें उसरां मेरेन फोंडें उजो पालोवपी दळाच्या जवानांक ह्या उज्यार नियत्रण मेळोवपाक येस आयलें.
हे विशीं चड म्हायती प्रमाण, बुधवारा गोरवांच्या गोठ्याक अचकीत उजो पेटलो. धनयान रोखडेंच उजो पालोवपी दळाच्या कार्यालयांत संपर्क केलो. उजो पालोवपी दळाचे कर्मचारी रोखडेच थंय पावून उजो पालयलो. रातच्या उसरां मेरेन उजो पालोवपाचें काम चालू आशिल्लें. ह्या उज्यांत पुराय गोठ्याचें बरेंच लुकसाण जालां. गोठ्याच्या धनयान सुमार ५० हजार रुपयांचें लुकसाण जाला असो दुबाव उक्तायला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
