भांगरभूंय | प्रतिनिधी
पणजी, प्रतिनिधी: राज्यांत अपघातांचें प्रमाण वाडतूच आसा. दिसाक अपघातांत एकलो तरी जीव होगडायता. हातूंत मनशांच न्हय तर जनावरांचोय आसपाव आसा. आयज सकाळीं पांजरकोण- कुंकळ्यें जाल्ल्या अपघातांत १ गाय आनी ४ पाडकांक मरण आयलें.
चड म्हायती प्रमाण, पांजरकोण-कुंकळ्यें हांगा आयज हेडग्या गोरवांक अपघात जालो. हातूंत गाय आनी ४ पाडकांक मरण आयलें.
मजगतीं, अशे अपघात सदांच घडतूच आसतात. हे विशीं प्रस्नाचेर नगरपालिका कसलीच कारवाय करिना. धरिल्लीं गोरवां दवरपाक कोंड आनी हेडग्या गोरवांक धरपाक एकल्याक नेमला. पूण तरीय गोरवां रस्त्यांचेर भोंवत आसतात. थळाव्यांनी ह्या अपघाताचेर आनी पालिकेचेर तिडक उक्तायल्या. ह्या हेडग्या गोरवां खातीर कितेंय उपाय येवजण करपाचीय तांणी मागणी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
