भांगरभूंय | प्रतिनिधी
वास्को, प्रतिनिधी: वास्कोच्या शिवम थिएटरा लागसारा आयतारा रातीं जाल्ल्या अपघातांत बेलाबायच्या समीर गोसावी (५२) हांकां मरण आयलें.
समीर गोसावी दिव्यांग आशिल्ल्यान ते तीन चाकी वाहन वापरताले. आयतारा सुमार सवा धांक सुमार शिवम थिएटरा लागसारा कोणतरी आडवो आयिल्ल्यान तांणी अचकीत ब्रेक मारलो. तेन्ना तांचो तोल वचून ते रस्त्यार पडले. तांचे तकलेचो फाटलो भाग रस्त्यार आपटिल्ल्यान रगत व्हांवपाक लागलें. तांच्या वळखीच्या लोकांनी तांकां १०८ त चिखले जिल्हो हॉस्पिटलांत व्हेले. थंयच्या डॉक्टरांनी तांकां मरण आयिल्ल्याचें सांगलें.
समीर गोसावी हांच्या मरणाक लागून थंयच्या वाठारांत दुख्ख पातळ्ळां. समीर हांचो रोस ऑम्लेटीचो आनी हेर खाणांचो गाडो बेलाबाय ओरुले मार्गार आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
