भांगरभूंय | प्रतिनिधी
पणजी, प्रतिनिधी: शिनेर- चिंबलाच्या तळ्यांत पेंवपा खातीर देंविल्ले डॅरीक राज (१८) हो मुंबयचो तरणाटो काल बुडलो.
चड म्हायती प्रमाण, डॅरिक हो चिंबला आपल्या सोयर्यां कडेन आयिल्लो. काल सांजेवेळार तो पेंवपा खातीर तळ्यांत देंवलो. उदकाचो अंदाज येवंक नाशिल्ल्यान तो बुडलो. म्हायती मेळटांत आदलें गोंय उजो पालोवपी दळाचे जवान आनी पुलीस घडणुके सुवातेर आयले. काल जवानांनी ताचो सोद घेवपाक सुरु केल्लो. पूण ताची कूड मेळूंक नासली. ताका लागून आयज सकाळच्यान ताचो सोद घेवप चालूच आशिल्लो. आयज सकाळीं 11.30 वरांचेर ताची कूड सांपडली.
आदले गोंय पुलीस स्टेशनाचे निरीक्षक सतीश पडवळकार हांच्या मार्गदर्शना खाला उपनिरीक्षक सुदीन रेडकार हांणी हे घडणुकेची नोंद केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
