‘ते’ चलयेची कूड सांपडली….
भांगरभूंय | प्रतिनिधी
दिवचल, प्रतिनिधी: सारमानस न्हंयेंत सांपडली अनुपमा गांवकाराची कूड. शुक्रारा आमोणेंच्या पुला वयल्यान अनुपमा गांवकार (२४, वेळगें) हाणें उडी मारिल्ली. दिवचल उजो पालोवपी दळाचे जवान तिचो सोद घेताले. आयज सकाळीं तिची कूड सारमानस, पिळगांवचे न्हंयेंत सांपडली.
शुक्रारा सांजवेळा सावन तिची स्कुटर आमोणें पुलाचेर पार्क केल्ली आशिल्ली. देखून स्कुटर थंय दवरुन तिणें पुला वयल्यान न्हंयेंत उडी मारली, असो अदमास आशिल्लो. तो खरो थारला. उजो पालोवपी दळाच्या जवानांनी तिचो सोद घेवप चालूच दवरिल्लें. आयज सकाळीं तिची कूड सांपडली. ती दक्षीण गोंय जिल्हो हॉस्पिटलांतल्या लॅबांत कंत्राटाचेर कामाक आशिल्ली.
तिणें पुला वयल्यान उडी कित्याक मारली, नेमकें कितें जालें, ताचो सोद पुलीस घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
