भांगरभूंय | प्रतिनिधी
मडगांव, प्रतिनिधी : करंजाडी – कामठे आनी कुमटा – भटकळ विभागांत चलिल्ल्या रेल्वे मालमत्तेच्या दुरुस्ती कामाक लागून २१ आनी २३ नोव्हेंबराक कोकण रेल्वे मार्गा वयल्या पांच गाडयांचेर परिणाम जातलो. करंजाडी – कामठे विभागांतल्या कामा निमतान २१ नोव्हेंबराक १२.४० ते १५.१० ह्या अडेज वरांच्या काळांत मेगाब्लॉक करतले. ताका लागून गाडी नं. ०२१९७ कोईम्बतूर – जबलपूरचो २० तारखेक सुरू जावपी प्रवास मडगांव – संगमेश्वर रोड विभागा मजगतीं ११० मिनिटां खातीर फाटी- फुडें करतले.
गाडी नं. १०१०६ सावंतवाडी रोड – दिवा एक्स्प्रेसचो २१ तारखेर सुरू जावपी प्रवास सावंतवाडी रोड-संगमेश्वर रोड विभागा मजगतीं ७० मिनटां खातीर फाटीं फुडें जावं येता. कुमटा – भटकळ विभागांत दुरुस्तीच्या कामाक लागून २३ तारखेर १२ ते १५ अशीं तीन वरां मेगाब्लॉक आसतलो. गाडी नं. १६५८५ सर एम. विश्वेश्वरय्या टर्मिनल बेंगळुरू – मुर्डेश्वर एक्स्प्रेसचो २२ तारखेर सुरू जावपी प्रवास भटकळ स्टेशनाचेर थारतलो. भटकळ – मुर्डेश्वर विभागा मजगतींचो प्रवास अंशत: रद्द करतले.
गाडी नं. १६५८६ मुर्डेश्वर – सर एम. विश्वेश्वरय्या टर्मिनल बेंगळुरू एक्सप्रेसचो २३ तारखेचो प्रवास भटकळ स्थानका वयल्यान नियोजीत वेळार सुरू जातलो आनी मुर्डेश्वर – भटकळ विभागा मजगतीं अंशतः रद्द जातलो. गाडी क्र. २२११४ कोचुवेली – लोकमान्य टिळक (टी) एक्सप्रेसचो २३ तारखेक सुरू जावपी प्रवास भटकळ स्टेशनाचेर २० मिनिटां खातीर फाटीं फुडें जातलो. प्रवाशांनी हाची नोंद घेवची.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
