मांडवी एक्स्प्रेस रेलगाडेच्या निमाण्या डब्याक उजो
भांगरभूंय | प्रतिनिधी
मडगांव, प्रतिनिधी ः मडगांव सावन मुंबयच्या वटेन वचपी मांडवी एक्स्प्रेस रेलगाडेच्या निमाण्या डब्याक आयज सकाळीं उजो लागलो. सावंतवाडी गाडी थारावन कोंकण रेल्वेच्या कर्मचाऱ्यांनी उजो नियंत्रणात हाडलो. ब्रेकांतल्या तांत्रीक समस्यांक लागून उजो लागलो असो अदमास हाजीर आशिल्ल्या कर्मचाऱ्यांनी उक्तायलो.
मडूरे स्टेशनांवयल्यान मुंबय दिशेन वचपाक मांडवी एक्सप्रेस रेलगाडी भायर सरली. पूण सावंतवाडी स्टेशना फाटल्यान अर्द किलोमीटर अंतराचेर जनरेटर कार, दिव्यांग आनी गार्डाचो निमाणो डब्यांक सकयल्यान उजो लागलो. ही गाडी सावंतवाडी स्टेशनाचेर हाडून थारायली. उपरांत ह्या डब्यांतल्या रेल्वे कर्मचाऱ्यांनी स्टेशनाच्या अधिकाऱ्यांक उज्याची म्हायती दिली. हाचे उपरांत यत्न करुन उजो नियंत्रणांत हाडलो. हाजीर आशिल्ल्या कर्मचाऱ्यांक लेगीत उज्याचें खरें कारण कळूंक ना. पूण गाडयेच्या डब्याच्या ब्रेकांतल्या तंत्रीक समस्यांक लागून उजो लागला आसूं येता असो अदमास काडलो. हे घडणुकेक लागून प्रवाशांक त्रास जाले. गाडयेचीं चाकां थंड जातकच गाडी मुखार व्हरतले अशें सांगला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
